السفر للكويت للصيادله

كيف اعمل كصيدلي بالكويت

اولا هتكلم عن الموضوع باللغه العاميه عشان يبقي سهل الفهم 

بدايه كده مفيش عقود عمل بتيجي مصر للكويت ...يعني اي مكتب سفريات يقولك تعالا هسفرك الكويت اعرف انو نصاب 

ممكن يكون في نسبه صغيره جدا حقيقيه وعقود عمل بس مظنش ان النسبه دي تتعدي 1% 

فالبدايه انت لو مصر بقي تدخل الكويت علي فيزا حره بمعني انك بتسافر علي شركه وهميه يعني بتسافر ويطلعلك اقامه عادي وتبقي شغال ومعمولك اقامه بس انت فالحقيقه مش شغال وعلي اقامه شركه اصلا ليس لها وجود 

ملحوظه :ممكن الشركه اللي جاي عليها تبقي نصابه وبرضو متوصلش الكويت 😒 حاول لو ليك حد بالكويت هو يسألك عشان النصب كتر اوي اوي 😷😷

المهم نرجع لموضوعنا ... الشركه هتبعتلك العقد او سمه الدخول .هتمشي فاجرائاتك كشوفاتك الطبيه بقي وورقك وياريت قبل ماتروح تكشف تحلل فاي معمل عشان تطمن

حللنا وخلصنا كشف وورق وميه ميه حاول كل ورقك يبقي متوثق سفاره كويتيه وخارجيه عشان التوثيق فالكويت غالي موت 

وصلت الكويت بالسلامه .....هنبدا فالجد بقي نعمل الاقامه ... طبعا كشف طبي وهتطلع اقامتك 

اولا لازم تكون معاك فلوس لانك هتقعد مده تصرف اكل وشرب ومسكن عبال ما تشتغل .... لو المسمي الوظيفي ليك فالبطاقه صيدلي هتطلعلك رخصه قياده كمان بعد متخلص ورقك عشان هتفيدك جدا جدا 

خلاص وصلنا خلصنا اقامه وخلصنا كمان رخصه سواقه نبدا نتكلم عن مجال العمل  قدامك مجالين ... الاول انك تشتغل كميدكال ريب والثاني كصيدلي فصيدليه ... ممكن كمان فالحكومه طبعا بس الحكومه حاليا قافله كل الوظايف للصيادله فمتحاولش 😂😂

ممكن تدخل الحكومه بواسطه كبيره وفلوس وحوارات بس معرفش مين الواسطه الصراحه .... بس يبقي امك وابوك داعيينلك لان شغلها مريح ومرتب عالي  ... بصفه عامه اي شغل حكومي فالكويت مرتبو حلو غير الخاص . نرجع لمرجوعنا بقي . اعمل اي عشان اشتغل ميدكال ريب ؟؟؟ 

اول حاجه هتعمل سي في حلو وتحط صوره فيه وتصورو كتير . وتلف علي شركات الادويه .وتسيب سيفيهك فيهم  اول حاجه هيسالو عليها هي رخصه السواقه وعربيه ... لو معاك رخصه فرصتك هتبقي كبيره جداااا تاني حاجه دايما يطلبو خبره جوا الكويت .. مش معترف نهائي بخبرتك فمصر . بس في شركات عادي بتشغل فريش ... خليك واثق فربنا وكلو علي الله 🤗. شركات الادويه بالهبل زي فارمازون واربه وغيرهم وغيرهم 

اهم حاجه عندهم الرخصه ... طيب لو انا جاي بمسمي وظيفي تاني مش صيدلي يعني ... مثلا انا خريج علوم ؟؟؟ الحل هنا انك تيجي بمسمي وظيفي سائق عشان تطلع رخصتك بس لازم تكون معاك رخصه سواقه مصريه طيب بس في مشكله 🤔 القوانين الكويتيه الجديده مشترطه انك لو غيرت المسمي الوظيفي الرخصه تتسحب سنتين 🙈🙈 يبقي مالاول تيجي ع مسمي صيدلي او مندوب طبي وفوكك من سائق دي عشان لو جيت تنقل اقامه بعد سنه علي شركتك الجديده وحولت نفسك من سائق لمندوب فالمسمي الوظيفي رخصتك هتتسحب وشركتك تقولك باي باي او هتجيب سواق يسوق عربيتك وياخد نص مرتبك 🤣🤣 بالنسبه للمندرب المرتب بيبدا من ٦٠٠ للي مش عندو خبره ... حلو جدا يعني  

نخش فقصه الصيدلي العادي فصيدليه اهليه . طبعا مش عاوزه احبطك بس الموضوع هياخد وقت وصبر الاول كده لازم تعرف اي اغلب حاجات بتطلبها الصيدليات .. بتطلب ترخيص اساسي ☹️ طيب يعني اي ترخيص . اسمو ترخيص مزاوله مهنه للعمل بالكويت . عشان اعمل ترخيص لازملي  اولا الاقي صيدليه تديني ورق طلب اني اشتغل معاها عشان ابدأ في اجرائاتي اللي هقولهالكو بعدين ... طيب الاجرائات بتاخدلها اقل حاجه ست شهور 😐 ومش هتلاقي حد يستناك ست شهور ولا سنه عبال متشتغل معاه وكمان فريش وابيض ياورد 😂😂 طبعا مش هحبطك  في ناس بتشغل الفريش عادي بس هتتعب فالاول بس  ومنصحكش تقف شفت بالنهار وانت بدون ترخيص عشان لو اتمسكت فيها ترحيل وانت لسه بتقول يا هادي .. نرجع لمرجوعنا انا واحد جاي وليا معرفه يا ستي وهلاقي حد يشغلني اعمل اي 😄🤔

الاول قبل متيجي من مصر تبقي مجهز ورقك اللي هقوله عشان لو جيت من غيره هتتسوح ..

اولا هتجيب شهاده شهاده جامعه وتوثقها من الجامعه والخارجيه وسفاره الكويت 

شهاده مفصله بدرجات المواد فالجامعه وبرضو متوثقه من جامعتك والخارجيه والسفاره وموجهه لدوله الكويت 

شهاده خبره  يا تعمل شهاده خبره موجهه لدوله الكويت من وزاره الصحه ولازم تكون باكتر من سنتين خبره وتوثقها فمديريه الصحه ثم خارجيه وسفاره  او تعمل شهاده خبره موجهه لدوله الكويت مع اي صيدليه وتوثقها فالشهر العقاري والخارجيه والسفاره بعدين بيان درجات مفصل لاولي ثانوي وتانيه ثانوي وتالته ثانوي حاول تعملهم منفصلين كل سنه لروحها وتبقي موجهه لدوله الكويت وتوثقها فوزاره التعليم والخارجيه والسفاره 

وبعدين تروح النقابه القرعيه بتاعتك لو انت من المحافظات هتقولهم عاوز شهاده قيد موجهه لدوله الكويت ومزاوله مهنه موجهه للكويت برضو .. خد معاك صور ليك وخد كارنيهك وسدد اشتراكات النقابه او خد وصولاتك اللي معاك لو انت مسدد اشتراك النقابه قيل كده ... هتاخد القيد والمزاوله وتوثقهم برضو خارجيه وسفاره ... صوره البطاقه المدنيه وصوره الاقامه اللي فالباسبور يبقو معاك ضمن ورقك 

كده ورقك جاهز كلو هتاخد ورقك تصورو كلو نسخه من كل ورقه ومعاك الورق اللي خدتو مالصيدليه ومعاهم١٢ صوره متطابقه وتطلع علي مستشفي الصباح بالشويخ الصحيه التفتيش الصيدلي  تروح هناك عند الدكتوره ريم او اي حا مالدكاتره تقولهم عاوزه اعمل معادله. بتاخد ورقك وتطابق الاصول بالصور وتديك الاصول وتاخد الصور ... بعد عشر ايام هتروحلهم تاني تاخد منهم جواب للتعليم العالي وتعمل ورقك كلو سكان بحيث ميبقاش حجم الفايل اكتر من ١ميجا وتدخل علي موقع التعليم العالي وترفع ورقك عليه ..وتتابع الموقع . اول مايكتبلك جاري العمل هتروح علي التعليم العالي في برج سنابل في شرق

التعليم العالي ده بيعادل شهاده الكليه ودي انو يبعتها لمصر ومعادله الثانوي ودي هتعملها انت بنفسك هنا 

لما تروح التعليم العالي هتاخد جواب هتروح بيه علي التعليم الخاص بالسالميه شارع سالم مبارك ويكون معاك كل اصول الاوراق بتاعتك وصور مدنيتك خمس ست صور وتمضي ورقك وتظبطو وحاول تسأل الموظفين تمضي فين وكده ،.كده تبقي خلصت معادله شهاده الثانوي حاول تبقي هناك من تمانيه الصبح عشان تخلص فيوم واحد وحاول تعمل ورقك بنفسك عشان الحكومه هنا يومها بسنه زي مصر تمام لو استنيت الموظفين يخلصولك هتتشل 😱😂😂

هترفع الورقه دي بقي علي موقع التعليم العالي عشان تعادل بكالريوسك وتخلي حد من اهلك فمصر يتابع مع السفاره المكتب الثقافي يعني  ويسألو في معادله شهاده وصل باسم كذا كذا ويتابعو كلو يومين يتصلو يشوفو وصلت ولا لا  اول ميقولو اتبعتت اسألهم هتتبعت الجامعه امتي 

تخلي حد يروح جامعتك يدفعلك رسوم معادله الشهاده بتكون حوالي ١٠ دولار.. بعدها تخلي اهلك يتصلو بالمكتب الثقافي ويتابع الشهاده وصلت من الجامعه ولا لا طيب هتبعتوها امتي الكويت ؟؟؟ اول ماتوصل الكويت هيكلموك تيجي التعليم العالي ببرج سنابل شرق وتدفع طابع ٥ دينار وبعدها بكام يوم هتروح تستلم معادلتك 😌

كده كل ده نص الطريق 😂😂😂 بعد مخلصت معادلتك بالسلامه هتاخد معاد تمتحن فيه للترخيص بتاعك وطبعا ده بياخد وقت عبال ميجي دورك وحاليا الاماحانات شفوي عشان الاعدادكبيره وكانو قافلين الامتحانات لمده سنه ... المهم انت لو امتحنت ترخيص ومش هتشتغل بيه علي نفس الصيدليه فترخيصك لاغي وملوش اي لزمه ... لازم ترخيصك علي نفس الصيدليه اللي هتشتغل فيها ... طيب في ناس بتعمل اي 

بيعملو معادله ع اي صيدليه ويشتغلو بالمعادله ودي كده عبال ميمتحن للترخيص بحيث ميضيعش وقت صاحب الصيدليه ويبقي قدامه وقت بسيط عبال ما يمتحن ... تمام بس فالحاله دي لازم تنازل من اول صيدليه اللي عملت عليها معادلتك . هتجيب تنازل منها للصيدليه الجديده اللي هتطلع عليها ترخيصك .. وتمتحن وبالتوفيق للجميع طبعا اسأله الامتحان بيقولو سهله واي حد محتاجها يسيب كومنت وهبعتهالو باذن الله ملحوظه مرتبات الصيادله فالصيدليات لولسه مبتدأ هيبدا من450 

وبالتوفيق للجميع ... للاسف الكويت حاليا فرص العمل للصيادله ضئيله بس الارزاق علي الله وانا بتمني من اي حد قرأ المقال يدعيلي الاقي فرصه كويسه لاني لسه بدور علي شغل 😄😄 وربنا يكرمني ويكرم الجميع . بااااااي 😌👋